Banco de Tempo

Un Banco de Tempo é unha rede de colaboración entre particulares e consiste no intercambio de actividades entre as persoas participantes.
Un banco de tempo permite resolver problemas ou atender necesidades da vida cotiá dun xeito cooperativo, solidario, participativo e autoorganizado.
O método de traballo é o seguinte:

A unidade de intercambio nos bancos de tempo é a hora, independientemente do servizo que se realice ou reciba.
Todas as actividades teñen o mesmo valor, todo vale o tempo que se tarda en realizar o servizo.
Cada persoa que participa no Banco de Tempo disporá dun talonario que empregará no momento de facer o “pago en horas” polos servizos que lle foron prestados. De igual xeito, cando esta persoa vaia facer un servizo a outra persoa do Banco de Tempo, recibirá un cheque polo valor do tempo que empregou no seu intercambio.
Mensualmente a Secretaría do Banco de Tempo fará un balance, anotando os intercambios feitos e actualizando o saldo da conta corrente de tempo das súas socias e socios.
Canto maior crédito circule e canta máis xente comparta o seu tempo e talentos, máis rica será a rede que constitúe un Banco de Tempo.

O funcionamento é sinxelo: ao dar a túa axuda gañarás horas, que máis tarde poderás gastar solicitando o tempo doutras persoas da rede para colaborar nas tarefas da túa vida diaria.
Na miña opinión é unha moi boa iniciativa na actualidade xa que é unha boa forma de poder satisfacer as necesidades, sen gastar diñeiro, así como unha boa medida personal xa que ademáis axudas aos demáis.
En España existen máis de 150 de estas entidades e en Galicia destaca a de Allariz, entre outras.